Ikastaroen edukia eta iraupena

Ikastaroen edukia eta iraupena otsailaren 27ko INT/209/2025 Aginduan araututa daude.

Ikastaro bakoitzak sei eskola-orduko gutxieneko iraupena dauka eta saio bakar batean edo bitan egin daiteke. Zirkulazioari eta maniobrei buruzko prestakuntza teorikoa zein teknikoa ematen da.

Alde teorikoak ordubete eta berrogeita bost minutuko gutxieneko iraupena dauka: ordu erdi ikastaroaren hasieran eta beste ordu erdi bat amaieran, ondorio gisa. Gainerako denbora saioen barruan bana daiteke eta prestakuntza praktikoarekin batera tartekatu, mezuak azpimarratzeko.

Alde praktikoak lau ordu eta hamabost minutuko gutxieneko iraupena dauka eta zirkuitu itxian zein zirkulaziora irekitako bideetan egiten da.

Turismoak gidatzeko gidatze seguru eta efizienterako ikastaroetan, ikastaroa ematen duen zentroak jartzen ditu erabiltzen diren ibilgailuak. Salbuespenez, ikasleak jar dezake ibilgailua, baldin eta mugikortasun mugatua duten pertsonentzat egokituta badago.

Motozikletak eta ziklomotoreak gidatzeko gidatze seguru eta efizienterako ikastaroetan, ikasleek beraiek jar ditzakete ibilgailuak.

Zentroak jartzen dituen ibilgailuek zein parte hartzaileek jartzen dituztenek hauek guztiak izan behar dituzte: IAT indarrean; erantzukizun zibileko asegurua, gutxienez nahitaezko aseguruaren zenbateko-mugetara arteko estaldurarekin; ingurumen-bereizgarria; eta argiak, frenoak eta pneumatikoak egoera onean eta behar besteko presioarekin.

Ikastaroek kostua daukate eta ematen dituen enpresan bertan ordaindu behar dira.