Motozaleentzako prestakuntza
MOTOformakzioa 125 cc-tik gorako motozikletak gidatzen dituzten eta administrazio-auzotasuna Euskadin duten pertsonei zuzendutako prestakuntza-programa bat da.
Ekimen honen helburua da motozaleei haien eta gainerako bide-erabiltzaileen segurtasuna bermatuko duen prebentziozko gidatze bat egiteko tresnak ematea.
Prestakuntza doakoa da eta maila guztietara egokitua.
MOTOformakzioak bi modalitate ditu:
- PRESTAKUNTZA PISTAN:
Modalitate hau Polizia eta Larrialdietako Euskal Akademiaren (Arkaute) instalazioetan egiten da.
Iraupena: lau ordu goizeko edo arratsaldeko saio batean.
Praktikak: oreka, balaztatzea, arintasuna, maniobrak geldirik...
- PRESTAKUNTZA ERREPIDEAN:
Modalitate honek Ertzaintzaren lankidetza du, eta Euskadiko hainbat gune geografikotan banatutako ibilbideetan egiten da; izan ere, dituzten ezaugarriengatik, motozaleen kolektiborako bereziki aukeratuak izan dira.
Iraupena: saio bakoitza ordu eta laurdenekoa da.
Praktikak: errepideko arrisku-adierazleak irakurtzea, motozikletaren gaineko posizionamendua, errepideko posizionamendua, begirada, bihurguneak trazatzea, abiadura kontrolatzea eta bidearen ezaugarrietara eta baldintzetara egokitzea, segurtasun-distantzia...
Parte hartzeko baldintzak:
- A2 edo A gidabaimena, indarrean.
- Administrazio-egoitza Euskadiko edozein udalerritan izatea.
- 125 cc-tik gorako zilindrada duen motozikleta, egoera onean eta erabiltzeko legezko baldintzetan, ibilgailuaren nahitaezko asegurua eta indarrean dagoen IAT.