Zehapenak

Trafikoko arautegia hausteak diru-isuna dakar eta horren zenbatekoa arau-haustearen kalifikazioaren menpe egongo da. Isunen zenbatekoa 80. artikuluaren 1. eta 2. atalek zehazten dute.

Arau-hauste arinak, larriak eta oso larriak zehazten ditu 80.1 artikuluak, baita zenbateko hauek ere:

Arau-hauste arinengatik 100 euro arteko isunekin zehatuko dira.
Arau-hauste larriengatik 200 euroko isuna.
Arau-hauste oso larriengatik 500 euroko isuna.

Era berean, abiadura mugak ez errespetatzea Legearen IV. eranskinean aurreikusitako zenbatekoekin zehatuko da.

MUGA		20	30	40	50	60	70	80	90	100	110	120	130	MULTA
GEHIEGIZKO ABIADURA	LARRIA	21 40	31 50	41 60	51 70	61 90	71 100	81 110	91 120	101 130	111 140	121 150	131 150	100
		41 50	51 60	61 70	71 80	91 110	101 120	111 130	121 140	131 150	141 160	151 170	151 170	300
		51 60	61 70	71 80	81 90	111 120	121 130	131 140	141 150	151 160	161 170	171 180	171 180	400
		61 70	71 80	81 90	91 100	121 130	131 140	141 150	151 160	161 170	171 180	181 190	181 190	500
	OSO LARRIA	71	81	91	101	131	141	151	161	171	181	191	191	600

80.2 artikuluak diru-zehapen hauek ezartzen ditu:

Baimendutako alkohol-tasaren bikoitza gainditzen duen alkohol-tasarekin edo aurreko urtean baimendutako alkohol-tasa gainditzeagatik gidaria zehatuta egonda gidatzea (77. c) art.) eta bestetik, alkohola edo organismoan drogak antzemateko probak egin nahi ez izatea (77. d) art.) 1.000 euroko isunaz zehatuko da..
Ibilgailuaren titularrak edo maizterrak gidaria benetan identifikatzen ez badu jatorrizko arau-hausterako aurreikusitako isunaren zenbatekoaren bikoitza edo hirukoitzarekin zehatuko da: Arau-haustea arina bazen bikoitza eta hirukoitza larria edo oso larria bazen (77.j art.).
Radar- edo zinemometro-inhibidore bat edo trafikoa zaintzeko sistemen funtzionamendu zuzena oztopatzeko beste edozein mekanismo instalatuta duen ibilgailu bat gidatzea, (77. h) art.), 6.000 euroko isunaz zehatuko da..
77. artikuluaren n, ñ, o, p, q, r, s eta t idatz-zatietan jasotako arau-hauste guztiak (esaterako, radar-inhibiltzaileak instalatzea) 3.000 eta 20.000 euro bitarteko isunarekin zehatuko dira.

Aurreko zehapenaz gain, erantzun zibileko nahitaezko asegurua hitzarturik edo sinaturik ez izatea 601 eta 3.005 eurora arteko isunarekin zehatuko da, Erantzukizun zibila eta ibilgailuaren aseguruari buruzko araudiaren arabera.

Puntuak galtzea

Hainbat arau-hauste egiteak, larriak edo oso larriak, gidatzeko baimen edo lizentziaren puntuak galtzea dakar, zehapena administrazio-bidean irmoa izan eta gero. Arau-hausteak eta galduko diren puntuen kopurua Trafikoko Legearen II. eta IV. eranskinetan daude jasota.

II. ERANSKINA

ARAU-HAUSTEA	PUNTUAK
1. Gidatzerakoan, arauz ezarritako alkohol tasa baino gehiago izatea: * Botatako aireko mg/l-ko balioak, 0,50 baino gehiago (bi urte baino gutxiagoko antzinatasuna duen gidabaimenen profesionalek eta titularrek mg/l-ko 0,30 baino gehiago). * Botatako aireko mg/l-ko balioak, 0,25 eta 0,50 arte (bi urte baino gutxiagoko antzinatasuna duen gidabaimenen profesionalek eta titularrek mg/l-ko 0,15 eta 0,30 arte)	6 4
2. Organismoan drogak dituela gidatzea.	6
3. Organismoan drogak eta alkohola antzemateko probak egiteko betebeharra ez betetzea	6
4. Ausarkeriaz gidatzea, ezarritako noranzkoaren kontra zirkulatzea edo legez baimendurik ez dauden lasterketa edo lehiaketetan parte hartzea.	6
5. Radar- edo zinemometro-inhibidore bat edo trafikoa zaintzeko sistemen funtzionamendu zuzena oztopatzeko beste edozein mekanismo instalatuta duen ibilgailu bat gidatzea.	6
6. Lurreko garraioei buruzko legedian ezarritako gidatze-aldiak %50tik gora gainditzea edo atsedenaldien ehuneko 50 baino gutxiago egitea.	6
7. Takografoa edo abiadura mugatzailea ohi bezala funtzionatzea eragozten duten elementuak jartzen edota pizten gidariek parte hartzea edota laguntzea.	6
8. Gidatzen ari den bitartean, telefonia mugikorreko gailua erabiltzea, esku artean duela.	6
9. Bideetara edo bide-inguruetara botatzea suteak edo zirkulazio-istripuak eragin ditzaketen objektuak.	6
10. Pasatzeko lehentasunari buruzko lege-xedapenak ez betetzea eta stop seinalearen, pasatzen uzteko seinalearen eta gorri dauden semaforoen aurrean ez gelditzea.	4
11. Aurreratzeari buruzko lege-xedapenak ez betetzea, kontrako noranzkoan doazenak arriskuan jarriz edo traba eginez eta ikusgarritasun gutxiko toki edo gorabeheretan ere aurreratzea.	4
12. Aurreratzea txirrindulariak arriskuan jarriz edo traba eginez, edo 1,5 metroko gutxieneko tartea utzi gabe.	6
13. Zirkulazioa arautzeaz, antolatzeaz, kudeatzeaz, zaintzea eta trafikoaren diziplinaz arduratzen diren agintaritza-agenteen seinaleak eta aginduak ez errespetatzea.	4
14. Aurretik duen ibilgailuarekin segurtasun-tartea ez gorde.	4
15. Segurtasun uhala, haurra eusteko sistemak, kaskoa eta gainontzeko babesgailuak ez erabiltzea edo behar bezala ez erabiltzea.	4
16. Ibilgailua gidatzea horretarako gaitzen ez duen baimena edo lizentzia izanda.	4
17. Gidatzeko administrazio-baimena indargabe izanik edo gidatzen duen ibilgailua erabiltzeko debekua izanik gidatzea.	4
18. Autobide eta autobietan atzeraka ibiltzea.	4
19. Noranzkoa aldatzea Lege honek jasotako xedapenak bete gabe eta araudiak ezarritako terminoetan.	3
20. Soinu-hargailuei edo -erreproduzigailuei konektatutako kaskoak edo aurikularrak jarrita edo gidatzeko beharrezkoa den etengabeko arreta murrizten duten bestelako gailuak jarrita gidatzea, edo kaskoaren eta erabiltzailearen buruaren artean doituta dagoen telefono mugikorreko gailua edo beste komunikazio-bitarteko edo -sistema bat erabiliz gidatzea, edo gidatzen ari den bitartean, nabigatzaileak zein beste komunikazio-bitarteko edo -sistema bat edota mugikorreko gailua eskuarekin erabiltzea (8. puntuan ezarritako bestelako baldintzatan).	3
21. Radarrak edo zinemometroak detektatzeko mekanismoak daramatzan ibilgailua gidatzea.	3

IV. ERANSKINA

MUGA		20	30	40	50	60	70	80	90	100	110	120	130	MULTA	PTOS
GEHIEGIZKO ABIADURA	LARRIA	21 40	31 50	41 60	51 70	61 90	71 100	81 110	91 120	101 130	111 140	121 150	131 150	100	--
		41 50	51 60	61 70	71 80	91 110	101 120	111 130	121 140	131 150	141 160	151 170	151 170	300	2
		51 60	61 70	71 80	81 90	111 120	121 130	131 140	141 150	151 160	161 170	171 180	171 180	400	4
		61 70	71 80	81 90	91 100	121 130	131 140	141 150	151 160	161 170	171 180	181 190	181 190	500	6
	OSO LARRIA	71	81	91	101	131	141	151	161	171	181	191	191	600	6