Osakidetza Ente Publikoak ondoren zerrendatzen diren herri–onurako xedeak bilatuko ditu, bere menpeko erakundeen bitartez:

1. Euskal Autonomia Erkidegoko zerbitzu publiko sanitarioa ematea. Hartara, segurantza eta kontratazio publikokoak izan daitezkeen lehen asistentzia eta asistentzia espezializatua eskainiko ditu, eta honako programa hauetan parte hartuko du: osasuna sustatzeko,gaixotasunei aurrea hartzeko, osasun–laguntzako eta errehabilitazioko programa publikoetan. Halaber, asistentziasozio–sanitarioko programetan ere parte hartu ahal izango du ezartzen diren baldintzetan.
2. Osakidetzaren zerbitzuen erabiltzaileei beren eskubide eta egin behar instrumental eta osagarriak erabat betetzeko behar dituzten baldintzak eskainiko zaizkie;batez ere informazioa etengabe hobetuko da, eta atentzioa pertsonalizatuagoa eta kalitate handiagokoa izan dadin ahalegina egingo da.
3. Osasun–zientzietan irakaskuntza sustatzea, baita horrelako zientziekin loturiko ikerlanak, azterlanak eta zabalkunde–lanak sustatu ere, Osasun Sailak ezartzen dituen estrategia–ildoak eta programak kontuan izanda,eta arlo horretako unibertsitateekin eta gainerako eskudun erakundeekin hitzartzen den lankidetza aintzat harturik.
4. Langile sanitarioek eta ez sanitarioek dituzten ezaguera espezializatuak eguneratzea eta prestakuntza sustatzea, bai osasunaren arloan, bai kudeaketa zein administrazio sanitarioetan.
5. Baliabide sanitarioen garapena sustatzea, bertako ekintza eta programen bidez, edo beste erakunde batzuekin lankidetzan; eta helburuekin loturiko beste edozein ekimen sustatzea, ente publikoaren Administrazio Kontseiluak hala erabakitzen badu.