Itxaso Berrojalbiz Amorebieta-Etxanon jaio zen, 1986an.

Ekonomian lizentziatua da EHUn, analisi fiskalaren espezialitatean, eta enpresa-zuzenbideko Executive masterrean graduatua Garrigues ikasketa-zentroan, Harvard Law School-ekin lankidetzan.

2008az geroztik, zerga-zuzenbidearen arloan jardun da profesionalki, Garrigues bulegoari loturik.

Hizlari izan da EHUk eta Deustuko Unibertsitateak antolaturiko Aholkularitza Fiskaleko masterrean, eta, jarduera fiskalaren inguruko mintegietan, hizlari jardun ohi da finantza-erakunde, aseguru-etxe eta abarretan. Horrez gainera, argitalpenak plazaratu ditu zerga-arloan espezializatutako aldizkarietan.

2015etik 2023ra bitartean, Amorebieta-Etxanoko Udaleko zinegotzia izan zen.

2020tik 2023ra, Eusko Legebiltzarreko kide eta Ekonomia, Ogasun eta Aurrekontuen arloko bozeramaile izan da. Urte horietan, Eurobasque – Europar Mugimenduaren Euskal Kontseiluko presidenteordea izan da.