eLankidetza-Lankidetzarako eta Elkartasunerako Euskal Agentzia Eusko Jaurlaritzaren erakunde publikoa gara, eta garapenerako lankidetzaren politikak planifikatzen, kudeatzen, gauzatzen eta ebaluatzen ditugu.

Nazioarteko elkartasuna bideratzen dugu eta tokiko zein nazioarteko eragile ugarik giza garapen iraunkorra sustatzeko, eta pobreziaren eta desberdintasunaren aurka borrokatzeko egiten dituzten ahaleginekin bat egiten dugu. Era berean, herritartasun kritikoa eta aktiboa sustatzen dugu, Euskaditik abiatuta eta munduarekin lotuta, guztion ongiaren eta herrien arteko elkartasunaren aldeko apustua egiten duena.

Horretarako, sustatzen eta laguntzen ditugu Hegoaldeko zein Iparraldeko askotariko eragileak, eta azpimarratzen dugu koordinazioa, koherentzia eta elkar ezagutza eta ikaskuntza sortzea. Garrantzi berezia ematen diegu genero berdintasunari, iraunkortasun ekologikoari, giza eskubideei, gaitasunen sendotzeari, parte-hartzeari eta antolakuntzari, eta tokikoa-globala loturari.

3/2024 LEGEA, otsailaren 15ekoa, Lankidetzarakoa eta Elkartasunerakoa.

12/2021 DEKRETUA, urtarrilaren 19koa, Berdintasun, Justizia eta Gizarte Politiketako Sailaren egitura organikoa eta funtzionala ezartzen duena

18/2020 DEKRETUA, irailaren 6koa, lehendakariarena, Euskal Autonomia Erkidegoaren Administrazioko sailak sortu, ezabatu eta aldatzen dituena eta sail bakoitzaren egitekoak eta jardun-arloak finkatzen dituena

117/2013 DEKRETUA, urtarrilaren 22koa, Garapenerako Lankidetzaren Euskal Agentziako zuzendaria izendatzeko dena

310/2010 DEKRETUA, azaroaren 23koa; honen bidez, Garapenerako Lankidetzaren Euskal Agentziaren jarduerak abiaraztea eta Euskal Autonomia Erkidegoko Administrazio Orokorraren baliabide pertsonalak eta materialak Agentzia horri atxikitzeko baldintzak arautzen dira

95/2010 DEKRETUA, martxoaren 23koa, Garapenerako Lankidetzaren Euskal Agentziaren antolaketa eta funtzionamenduko erregelamendua onartzen duena

5/2008 LEGEA, ekainaren 19koa, Garapenerako Lankidetzaren Euskal Agentzia sortu era arautzen duena

1/2007 LEGEA, otsailaren 22koa, Garapenerako Lankidetzari buruzkoa