Ainara Basurko Urkiri Ondarroan jaio zen 1972an.

Zuzenbidean lizentziatua, espezialitate juridiko-ekonomikoa Deustuko Unibertsitatean (1995), MBA enpresen kudeaketa eta administrazioan Deustuko Unibertsitatean (1997) eta enpresa-lehiakortasunean eta lurralde-garapenean aditua.

Bere ibilbide profesionala aholkulari gisa hasi zen LKS Consultores erakundearen estrategia arloan (1997-2002).

Harrezkero, lurralde-lehiakortasunarekin eta enpresa-garapenarekin oso lotuta egon da, aurrez aurre garatu baititu jarduera horiek. Hala, 2004. eta 2015. urteen bitartean, Lea Artibaiko Eskualde Garapenerako Agentziako gerentea izan zen, eskualdeko ekonomia-garapenean ardaztuta. Eta 2002tik 2015era arte, Azaro fundazioaren zuzendaria izan zen. Bere eginkizuna Lea Artibai eskualdearen lehiakortasuna sustatzea zen eta, horretarako, inguruan enpresa berritzaileak eta/edo oinarri teknologikodun enpresen sorrera eta egungo enpresen berrikuntza- eta dibertsifikazio-prozesuak babesten zituen.

2015ean, Bizkaiko Foru Aldundiaren Beaz foru sozietatearen Zuzendaritza Nagusia hartu zuen bere gain; horren helburua lurraldeko enpresa-sarean ekintzailetza eta lehiakortasuna sustatzea zen.

Deustuko Unibertsitateko Giza Zientziak Enpresa Fakultateko irakasle ere izan zen (2007-2012).

Euskara da bere ama-hizkuntza eta ingelesez hitz egiten eta idazten du.

"Kapital Soziala. Lea Artibairen kasua" argitaratu du. Ekonomiaz 59. zk., 260-283 orriak (2006. urtea).