- Zirkulazioan eraginak goizeko 06:30ean hasiko dira, eta proba amaitu arte luzatuko dira
- Ordezko bideak erabiltzea eta Ertzaintzaren eta Udaltzaingoaren jarraibideak errespetatzea gomendatzen da
Igande honetan, azaroaren 9an, Behobia-Donostia lasterketaren 60. edizioa dela eta, Behobia (Irun) eta Donostia arteko trafikoan eragin handiak izango dira, ibilbidearen inguruan, goizeko 06:30etan hasi eta proba amaitu arte.
Lasterketa goizeko 9:30ean hasiko da. 20 kilometroko ibilbidea Behobian hasiko da, Faisaien uhartearen ondoan, eta GI-636 errepidetik joango da Irundik, Gaintxurizketako gaina igo eta bide horretatik Errenteriako herrigunera iristeko. Ondoren, lasterketa Pasai Antxon sartuko da Nafarroa Etorbidetik eta Donostian barneratuko da Mirakruz Gainetik, Grosetik eta Zurriola pasealekutik, eta Boulevardean amaituko da. Azken partehartzaileek 11:35ak aldera hartuko dute irteera Behobian.
Trafikoan eraginak
|
ERREPIDEA |
HASIERAKO KP |
AMAIERAKO KP |
HASIERA |
AMAIERA |
|
GI-636 |
15,300 Osinbiribilgo biribilgunea |
17,000 Behobiako biribilgunea |
06:30 |
14:00 |
|
GI-636 |
17,000 Behobiako biribilgunea |
17,330 Iparraldeko muga |
08:00 |
12:00 |
|
N-121-A |
74,400 Laskoaingo biribilgunea |
75,039 Errepidearen amaiera |
08:00 |
12:00 |
|
N-121-A |
74,800 Antton Txipi biribilgunea |
08:00 |
12:00 |
|
|
GI-636-10 |
Suhiltzaileen biribilgunetik GI-636-10-1-S errepidearen eta Iruneko jaitsiera galtzadaren arteko lotunea |
09:00 |
13:00 |
|
|
GI-636 |
9,560 |
7,900 |
08:15 |
14:00 |
|
Gaintxurizketa: Irunera jaisteko galtzada |
||||
|
GI-636 |
7,900 Gaintxurizketako biribilgunea |
2,600 Altamirako biribilgunea |
08:15 |
14:00 |
|
GI-636-4 |
Lintzirin eta Lartzabalgo biribilgunearen artean |
08:15 |
14:00 |
|
|
GI-2132 |
15,500 Lartzabalgo biribilgunea |
15,200 Arragua |
08:15 |
14:00 |
|
GI-636 |
2,100 Kaputxinoen gaina |
1,800 Kaputxinoen biribilgunea |
09:50 |
15:00 |
|
GI-636-2 |
Altamirako biribilgunea |
|||
|
GI-636-1 |
Don Boscoko biribilgunea |
|||
Gomendioak
Lasterketan parte hartuko duten korrikalarien kopurua handia dela kontuan hartuta (28.000 pertsona inguru daude izena emanda), Eusko Jaurlaritzak kontuz ibiltzeko eskatu du, kirol-proba horrek trafikoan izango dituen eraginak direla eta. Lasterketa egingo den lekutik ibili behar direnei ordezko bideak erabiltzea eta Ertzaintzaren eta Udaltzaingoaren jarraibideak errespetatzea gomendatzen zaie.
Era berean, probako parte-hartzaileei gomendatzen zaie garraio publikoak erabiltzea probaren hasierara joateko. Ibilgailu partikularrean joanez gero, gogoan izan ezin dela ibilgailutik jaitsi AP-8 autobidean auto-ilaretan geldituta egonda, oinezkoen zirkulazioa debekatuta baitago. Ezin izango da ibilgailurik aparkatu ZAISA industrialdean, eta bertan geratu ahal izango da soilik korrikalariak uzteko, eta berehala jarraitu beharko du gidariak ibilbidea.
Frantziatik A-63 errepidetik ibilgailu partikularrean datozen parte-hartzaileei gomendatzen zaie Biriatuko irteera hartzea, eta handik Behobiara joatea, han jaitsi eta irteera-gunera oinez joateko.
Lasterketaren ibilbidea aurretik oinez eta probaren antolakuntzatik kanpo egin ohi duten pertsonei gogorarazten zaie, bide-segurtasuneko begi bistako arrazoiengatik, ibilbidea ez dela galtzadatik egin behar, eta are gutxiago gaueko ordutegian. Eusko Jaurlaritzak gogorarazten du, behar izanez gero, bazterbidetik baino ezin dela ibili, ikuspen-elementuak (txalekoak eta elementu islatzaileak) eramanda, zirkulazio-erreitik ahalik eta gehien bereizita eta ibilgailuen martxaren kontrako noranzkoan, urrutitik ikusi ahal izateko.
Informazio gehiago Irekia atarian (Leiho berrian irekiko da)